Komisioni Qendror i Zgjedhjeve (KQZ) është duke organizuar procesin e zgjedhjeve të parakohshme të përgjithshme të 6 tetorit.
Katër koalicione, 20 subjekte politike dhe një kandidat i pavarur, janë certifikuar për zgjedhjet e parakohshme për Kuvendin e Republikës së Kosovës.
1 070 kandidatë për deputet po garojnë për 110 vende në Kuvend.
Komisioni Qendror i Zgjedhjes ka bërë të ditur se numri i kandidatëve në listat e koalicioneve ose partive politike është bërë i njohur, mirëpo ai i partive ende jo.
Të martën, me 17 shtator do të bëhet hedhja e shortit ku partitë dhe koalicionet do të mësojnë numrat e tyre me të cilët do të garojnë në zgjedhje.
Ndonëse fushata zyrtarisht ende nuk ka nisur, kandidatët dhe subjektet e tyre politike kanë nisur takimet me qytetarët për të kërkuar vota.
