Takimi i grupin H kualifikues të Euro 2020 mes Francës dhe Shqipërisë nisi me një skandal të vërtetë.
Teksa ekipi kuqezi ishte rreshtuar për të kënduar himnin e flamurit, veprim që ndodh gjithmonë përpara një takimi ndërkombëtar, organizatorët ngatërruar muzikë, ku në sfond u lëshua himni i Andorrës.
Një gabim trashanik ky nga ana e francëzëve, me mediat në këtë vend që kanë zbuluar edhe arsyen. Sipas tyre, në email e Federatës Franceze të Futbollit kanë mbërritur dy himnet e Shqipërisë dhe Andorrës, kundërshtari i Francës më 10 shtator.
E mesa duhet kjo ka qënë edhe arsyeja e ngatërrimit të organizatorëve, që e shtynë më 7 minuta nisjen e takimit. Por, jo vetëm kaq.
Spikeri i stadiumit kërkoi ndjesë për gabimin, të cilin e shoqëroi me fjalë tepër të papërshtatshme. Në fjalën e tij, ai i kërkoi falje Armenisë, duke revoltuar jo pak tifozët kuqezi në shkallët e stadiumit. Dueli i zhvilluar në “Stade de France” u mbyll me shifrat e thella 4-1 në favor të kampionëve të Botës.
- Advertisement -
