Milazim Krasniqi, profesor në Universitetin e Prishtinës, në Fakultetin Filologjik, Departamentin e Gazetarisë, ka kritikuar, Televizionin Publik të Shqipërisë, pasi që në edicionin e lajmeve nuk ka përfshirë fitoren e Kombëtares së Kosovës ndaj Çekisë, në futboll.
Përmes një postimi në llogarinë e tij në Facebook, Krasniqi ka quajtur këtë veprim të RTSh-së, marre, shkruan Gazeta Insajderi.
“Emisioni i lajmeve i RTSH. Raporti i pare per ndeshjen France-Shqiperi, me detaje, ndonese per nje humbje te rende. Pastaj raporte tjera blla, blla, per njefare Kajmaku e idiotesi te tjera te perditshme. Asnje fjale per ndeshjen Kosove-Ceki dhe fitoren spektakel te Kosoves. C’ eshte kjo pune e prape, o tv publik, gjasme shqiptar?! Marre”, ka shkruar Krasniqi.
Kosova ka fituar ndaj Çekisë sot me rezultat 2 me 1 në ndeshjen kualifikuese për Kampionatin Evropian kështu ajo është renditur e para në listë, duke lënë prapa edhe ekipin anglezë. /Insajderi.com
