Administratës Tatimore të Kosovës njofton se sot i janë bashkuar 20 inspektorë tatimorë, të cilët kanë zyrtarizuar pozitën e tyre, duke nënshkruar kontrata pune.
Me këtë rast drejtori i përgjithshëm i Administratës Tatimore të Kosovës, Ilir Murtezaj, u uroi mirëseardhje inspektorëve të rinj, duke kërkuar nga ta që të japin kontributin e tyre në realizimin e misionit të ATK-së, me theks të veçantë trajtimin korrekt dhe të njëtrajtshëm të tatimpaguesve. Njëherësh, drejtori Murtezaj potencoj se procesi i rekrutimit ka qenë një proces i drejtë dhe transparent, ku përzgjedhja e kandidatëve është bërë në bazë të kritereve të parashtruara me konkurs.
Vlen të theksohet, se ATK-ja, në vazhdimësi, ka pasur një numër jo të mjaftueshëm të inspektorëve tatimorë, për të mbuluar të gjitha aktivitetet e planifikuara, andaj këta inspektorë do të jenë vlerë shtesë në arritjen e objektivave.
