Në komunën e Drenasit ka ndodhur një tjetër ngjarje e rëndë, ku një punëdhënës ka dhunuar seksualisht punëtoren e tij të mitur, shkruan Gazeta Metro.
Disa muaj më parë ishte zbuluar një rast i njëjtë në Drenas, ku një e mitur ishte abuzuar seksualisht nga arsimtari si dhe nga shefi i hetimeve në Stacionin policor në Drenas.
Rastin në atë kohë, e kishte denoncuar avokati Gazmend Halilaj, por ishte arrestuar disa ditë më vonë si i dyshuar për përfshirje në raporte seksuale me vajzën.
E në rastin e fundit, ku një punëdhënës në Drenas ka dhunuar seksualisht punëtoren e tij, duke se si avokat nga familja e viktimës, është angazhuar përsëri avokati Gazmend Halilaj.
Ndërkaq Halilaj është liruar nga paraburgimi me datë 26 mars të këtij viti, ku më pas masa e paraburgimit i është zëvendësuar me masën e arrestit shtëpiak.
I njëjti po mbahej në paraburgim nën dyshimet se për veprat penale “keqpërdorim i detyrës zyrtare”- neni 422, “keqpërdorim seksual duke keqpërdorur pozitën zyrtare apo profesionin”- neni 239 dhe veprës penale “frikësim gjatë procedurës penale” nga neni 395 i Kodit Penale të Kosovës.
