Kryetari i Komunës, Bekim Jashari, uron besimtarët me rastin e festës së Kurban Bajramit
“Të nderuar besimtarë muslimanë,
Të nderuar qytetarë të Skenderajt,
Dita e sotme, me gjithë madhështinë e saj, na shton ndjenjat e besimit ndaj të Plotfuqishmit, që me përulësi i lutemi për falje, shëndet të plotë dhe shtim të të mirave.
Dita e Kurban Bajramit gjithashtu thekson vlerat e mirëfillta të islamit, mirëbesimit, dashurinë e respektin ndaj njeri-tjetrit, ndaj familjes dhe ndaj atyre me gjendje në nevojë.
Në këtë ditë të bashkimit, që është edhe simbol i sakrificës sublime, të gjthë besimtarëve të besimit islam dhe shqiptarëve kudo që janë, ju uroj Kurban Bajramin!”.
- Advertisement -
