Presidenti i vendit, Hashim Thaçi, sot ka dekoruar tre këngëtarë shqiptar, Arif Vladin, Nikollë Nikprelajn dhe Përparim Tomçinin për kontributin që kanë dhënë në muzikë dhe art.
Derisa të tre sot iu përgjigjen ftesës së presidentit, madje pozuan me të me dekorata në duar, ishte këngëtari Arif Vladi ai që në një emision televiziv në vitin 2016, kishte thënë se nuk pranon dekoratë nga Thaçi, përcjellë Indeksonline.
Ai madje ishte shprehur: “Mua më ofendon një dekoratë eventuale nga Hashim Thaçi, nga një president që është zgjedhur duke e ruajtur me policë e kallashnikovë”.
Ndryshe, presidenti Thaçi sot në njoftimin pasi dekoroi këngëtarët shkroi: Këngët e tyre kanë qenë frymëzim dhe motivim për shumë gjenerata, që u angazhuan për liri, barazi dhe pavarësi./Indeksonline/
