Disa persona kanë grabitur disa lokale rresht në sheshin “Bill Klinton” në Prishtinë.
Një burim tha për Klan Kosovën se vjedhjet janë bërë në lokalin e materialeve “Anita”, në lokalin “Iva Cosmetics”, bizhuterinë “Anea” dhe disa lokale tjera.
Pronarët e këtyre lokaleve thanë se janë duke u kujdesur vetë që t’i ruajnë lokalet e tyre nga këta persona.
Ata kanë dërguar në klankosova.tv edhe një video në orët e hershme të mëngjesit, ku shihen këta persona të dyshuar.
Rastin e vjedhjes e ka konfirmuar edhe Policia e Kosovës.
“Sot rreth orës 04:00, është raportuar një rast vjedhje e rëndë në tentativë. Rasti ka ndodhur në një dyqan në rrugën Bill Clinton në Prishtinë, ku me forcë është thyer dera e dyqanit”.
Policia tha se janë duke hetuar rastet, ndërsa pronarët ankohen për neglizhencë të tyre.
