Ministria e Diasporës e cila udhëhiqet nga ministri Dardan Gashi do të shpenzojë mijëra euro për dhurata protokollare.
Kjo ministri do të shpenzojë 5 850 euro për furnizim me dhurata protokollare, shkruan ORAinfo.
Sipas njoftimit për dhënien e kontratës nga KRPP, Zyra e prokurimit në këtë ministri ka kryer tashmë procedurat për furnizim me këto dhurata.
Kjo ministri, ka përzgjedhur kompaninë e cila do të bëjë furnizimin me këto dhurata në vlerë prej 5 850 euro.
Në këtë tenderë nuk ka pasur fare konkurrencë, pasi që kanë aplikuar vetëm dy kompani, ku vetëm kompania fituese është vlerësuar si kompani e përgjegjshme gjë që ky tender është proceduar vetëm me një ofertë të përgjegjshme.
Ndryshe, nuk janë të rralla rastet kur institucionet e vendit bëjnë shpenzimin e parasë publike në gjëra të tilla. /ORAinfo/
