Kryetari i Këshillit Kombëtar të NISMA-së, Jakup Krasniqi ka komentuar deklarimet e sotme të bëra në konferencën e OSBE-së, për korrupsionin.
Duke publikuar një fotografi nga konferenca ku shihet presidenti Thaçi, Krasniqi ka thënë se korrupsioni nuk luftohet me konferenca.
Madje ai ka përmendur një fjalë të urtë popullore, duke thënë se “Hamami me fjalë nuk nxehet”! Edhe korrupsioni tek ne është bërë diçka si hamami!, shkruan GazetaBlic.
Ai ka thënë se të gjithë folësit e konferencës kanë gabuar, meqenëse korrupsioni luftohet me sistemin e Drejtësisë dhe jo me konferenca.
Statusi i plotë
LODHENI KOT, KORRUPSIONI NUK LUFTOHET ME KONFERENCA
Nuk ka asnjë dyshim, korrupsioni po grabit shumë para publike të qytetarëve të varfër dhe është problem i madh, por me Konferenca sa për të thënë diçka nuk luftohet e as zvogëlohet. Shih për ketë ka 1001 arsye që korrupsioni është galopant, por më kryesorja është, mos funksionimi i sistemit të Drejtësisë i cili nuk ka njerëz kredibil e me integritet që do ta luftonin që së paku ta reduktonin dëmin që shkakton korrupsioni dhe i cili është tepër të madh e rrënues për ekonominë e zhvillimin e vendit.
Sikur gjatë këtyre viteve, se paku nga viti 2000, të kishit ndihmuar në ngritjen e kapaciteteve në Sistemit të Drejtësisë me vendosjen e njerëzve me integritet në atë sistem, ata do ta kishin gatishmërinë që të përballeshin me korrupsionin endemik në shoqërinë tonë, por fillimi që tepër i gabuar, si nga ndërkombëtaret e po ashtu edhe vendoret.
Kështu, lodheni kot, korrupsioni nuk luftohen me konferenca e folës të gabuar, koha e tyre ka kaluar, koha është e funksionimit të Prokurorisë së shtetit e të Gjyqësisë, por njerëzit e instaluar në to janë tepër larg divorcit nga politika.
Për të luftuar korrupsioni ne Sistemi e Drejtësisë lypsen heronj me integritet, por ku t’i gjesh heronjtë sot? Kur edhe ata që ishin “janë humbur si sh… e pulës”! Janë zhburrnuar shumë edhe disa gjeneralë!
