Rusia vazhdon të përpiqet të dobësojë dhe ndajë SHBA-në duke ndërhyrë në procesin zgjedhor amerikan dhe në debatin politik, akuzoi sot shefi i shërbimeve sekrete amerikane Dan Coats.
“Ky është një kërcënim që ne duhet ta marrim shumë seriozisht”, paralajmëroi nga ana e tij Christopher Wray, shefi i FBI-së, i pranishëm në një konferencë në Shqtëpinë e Bardhë që i dedikohet kësaj çështje.
“Për momentin, përpjekjet e Rusisë për të minuar vlerat tona themeltare nuk janë aq të mëdha saç ishin kur influencuan zgjedhjet presidenciale të vitit 2016”, theksoi Coats, përcjell Atsh.
Ndërhyrjet e Rusisë në presidencialet e vitit 2016 kanë detyruar Ministrinë e Drejtësisë që të emërojë një prokuror special të ngarkuar me hetimin e kësaj çështje, përfshirë këtu edhe një bashkëpunim të mundshëm mes ekipit të fushatës së Donald Trump dhe autoriteteve ruse.
