Një grua që punon në misionin e bamirësisë “Nënë Tereza” në shtetin lindor të Indisë, Jharkhand, është arrestuar nën akuzën e shitjes së një foshnjeje 14-ditëshe.
Dy gra të tjera, punonjëse të misionit, janë ndaluar dhe po merren në pyetje në lidhje me raste të tjera të mundshme. Policia ndërhyri pasi komiteti i mirëqenies së fëmijëve kishte regjistruar një ankesë.
Misioni i bamirësisë nuk ka pranuar ti përgjigjet kërkesës së BBC për koment. “Kemi zbuluar se edhe disa foshnje të tjera janë shitur në mënyrë të paligjshme nga qendra”, tha një zyrtar i policisë, që konfirmon se tashmë kanë emrat e nënave të bebeve dhe hetimet po vazhdojnë.
Policia po ashtu konfiskoi 140 mijë rupi, ose 2150 dollarë nga qendra. Nënë Tereza, që u nda nga jeta në 1997, e themeloi urdhrin e misionareve të bamirësisë në 1950. Urdhri ka ngritur streha, menca, shkolla, koloni dhe shtëpi për fëmijët e braktisur.
Misionaret e bamirësisë po ashtu menaxhojnë edhe qendra për gra shtatzëna të pamartuara por nuk përfshihen në procesin e adoptimit. Ligjërisht, adoptimi i një fëmije në indi mund të kërkojë nga disa muaj deri në disa vite. CD vit, vetëm disa mijëra adoptime formalizohen, një fraksion i vogël i numrit të atyre që duan të adoptojnë. Ndërkohë që numri i fëmijëve të braktisur apo të padëshiruar, shkon në dhjetëra e mijëra.
