Edhe pse ka dhënë dorëheqje muaj më parë nga posti i Asamblistit të Kuvendit Komunal të Drenasit, Xhavit Drenorit, i ka dal paga baza e asambleistit, shkruan Drenicapress.info
Ai edhe njëherë ka treguar transparencën para qytetarëve, duke bërë publike edhe mesazhin që i ka ardhë nga banka dhe ku shihnen 94 euro, si pagë bazë e asamblistit.
Lexojeni të plotë dhe pa ndërhyrje postimin e Drenorit:
DIKUSH PO E SHKEL LIGJIN KËTU !
Prap u lajmerova nga banka se Komuna e Drenas ka transferuar pagen bazë të asamblistit në konton time për muajin qershor, sado që zyrtarisht kam dhënë dorëheqje me 29.03.2018.
Neni 37, pika 2 (c) e Ligjit për vetëqeverisje lokale e përcakton qartë se me dorëheqje me shkrim, pushon mandati i asamblistit.
Njëjtë me kishte ndodhur edhe për muajin paraprak.
Është hera e dytë që më duhet të shpenzoj kohë e të sorrollatem koridoreve të bankës duke pritë në radhë për me i kthy paratë mbrapsht në konton e Komunës.
Në Komunë thonë se pa deçertifikim zyrtar nga KQZ-ja ne nuk mund te heqim nga lista e pagës (bazë), e KQZ-ja gishtin (tregues) e drejton kah Presidenti Thaqi për mos emërim të Anëtarëve të KQZ-së.
Neni 422 i Kodit Penal e parasheh që “ Personi zyrtar, (…) nuk përmbush detyrat zyrtar të tij (…), dënohet me burgim prej 6 muaj deri në 5 vjet.
Sipas nenit 84, pika 2, Kompetencë e Presidentit të Republikës së Kosovës është edhe GARANTIMI I FUNKSIONIMIT KUSHTETUES TË INSTITUCIONEVE (…).
Pra, me pas SISTEM të mirëfilltë që funksionon, dikush do duhej me dhanë përgjegjësi për dëmin që po i bëhet buxhetit komunal në Drenas.
E me gjasë, deri të fundosen (politikisht) njerëzit që e kanë zabtu krejt shtetin, vështirë me kërku llogari/përgjegjësi për shkelje ligjore.
