Adnan Merovci, ish bashkëpunëtori i ngushtë i presidentit historik, Ibrahim Rugova, në faqen e tij ka postuar një foto duke e lexuar librin “Takimi me Presidentin RUGOVA, SHBA, 1998”, të ish sekretares amerikane të SHBA-së, Medllin Ollbrajt.
Ai ka postuar pjesën e librit ku flitet për takimin ku Rugova kishte kërkuar që Kosova të bëhej edhe shteti i 51-të amerikan.
“Ri lexim: Kosova shteti i 51-të amerikan! “Gjatë takimit u zhgënjeva kur pashë mimikën e kolegëve të RUGOVËS, të cilët rrinin si të ngrirë, madje bënin edhe gjeste mosmiratimi gjatë kohës sa ai fliste. Gjithsesi, RUGOVA foli hapur. Tha se kushtet në Kosovë po keqësoheshin çdo ditë e më shumë dhe kërkoi që NATO-ja të krijonte një zonë ndalimfluturimi, që të mos lejonte sulmet me helikopter të serbëve. Ai vuri në dukje se qëllimi i shqiptarëve ishte pavarësia, por se mund të pranonin të kishte një status të përkohshëm si protektorat ndëkombëtar apo madje, bëri shaka ai, të bëheshin shteti i pesëdhjetenjëtë amerikan”! Nga libri: “Zonja Sekretare” e Medllin OLLBRAJT, takimi me Presidentin RUGOVA, SHBA, 1998!”, shkruan Merovci,
