Adnan Januzaj është kryelajm i medieve ndërkombëtare sonte.

Ai me golin e tij i dha fitoren Kombëtares së Belgjikës kundër Anglisë, për të përfunduar si lidere e Grupit G.

Por lajmi më i madh vjen pas përfundimit të ndeshjes, atëherë kur kanë nisur komentet për të.

“E përgëzoj Adnanin për golin e tij të bukur që e shënoi sonte kundër Anglisë”, ka shkruar në Instagram, Kampioni i Evropës në boks, Haxhi Krasniqi.

“Edhe Adnani është i yni dhe jam shumë i bindur se zemra i rrah kuqezi, do të vijë dita kur do të dëshmohet edhe kjo”, ka vazhduar ai.

E këtij postimi të Krasniqit, vet Januzaj i është përgjigjur pozitivisht, duke e pëlqyer atë.