Një kamion është rrotulluar para pak minutash në rrugën Prishtinë-Podujevë, konkretisht te rrethi në fshatin Trudë.
Rastin e ka konfirmuar për Indeksonline, Komandanti i Trafikut Rajonal të Prishtinës, Milaim Fejzullahu.
Ai ka treguar se si pasojë e këtij vet-aksidenti ka pësuar lëndime trupore vozitësi i automjetit.
“Një vet aksident ka ndodhur në fshatin Trudë, është vetëm vozitësi i lënduar por lehtë sipas qendrës klinike, një kamion është rrotulluar si pasojë e këtij aksidenti ka qenë mos përshtatja e shpejtësisë që do të thotë nuk e ka respektu shenjën e komunikacionit”, ka thënë Fejzullahu për Indeksonline.
Ndërkaq, Indeksonline ka siguruar edhe video ku shihet se kamioni është duke qëndruar ende në vendin e ngjarjes.
Më poshtë shikoni pamjet:
