Deputeti i Aleancës për Ardhmërinë e Kosovës, Shkumbin Demaliaj, ka kërkuar nga deputetët e Kuvendit të Kosovës që t’i tërheqin rekomandimet për çështjen e listave të veteranëve të luftës në Kosovë.
“Duhet të tërhiqet në rekomandim edhe çështja e listave të veteranëve për shkak se sot është në domenin e drejtësisë. Është në duar të e Prokurorisë Speciale të Kosovës”, tha Demalija.
Deputeti i AAK-së ka treguar se së bashku me 15 anëtarë të komisionit është marrë në pyetje nga Prokuroria e shtetit për këtë rast.
“Dua t’ju njoftoj që jam intervistuar personalisht nga Prokuroria e shteti lidhur me këtë çështje dhe mos të ndërhyjmë në drejtësi. Unë dhe 15 anëtarë të tjerë të komisionit, andaj le ta lëmë në duar të drejtësisë këtë çështje dhe jo të merremi me rekomandime e rezoluta për fushata politike”, tha Demaliaj.
