Media italiane ka zbuluar këtë mbrëmje identitetin e 34 vjeçares shqiptare e cila u godit për vdekje me thikë disa herë nga ana e bashkëshortit të tij në Itali.
Fjala është për shtetasen Fjoralba Nonaj, nënë e një djali 5 vjeçar, i cili në momentin tragjik ka qenë në krah të së ëmës.
35 vjeçar me origjinë marokene është konfliktuar me shqiptaren në një rrugicë të Seregnos- në Itali dhe në një moment ka nxjerrë thikën duke e goditur disa herë.
Prej pak muajsh çifti ishte ndarë dhe jetonte në shtëpi të ndryshme. Arsyeja e vërtetë që qëndron pas vrasjes gjakftohtë të marokenit nuk është zbuluar ende nga ana e medias italiane.
Ngjarja ka ndodhur këtë të mërkurë. Pas krimit, 35 vjeçari maroken i është drejtuar me këmbët e tij komisariatit të policisë dhe është vetëdorëzuar.
Ambulanca dhe ndërhyrja e shpejtë e mjekëve nuk ka bërë të mundur shpëtimin e jetës së Fjoralbës, e cila ha vdekur pak minuta pasi ka mbërritur në spital.
