Rinia Demokratike e Kosovës, dega në Skenderaj ka filluar sot zyrtarisht procesin e brendshëm zgjedhor.
Nëndegët e RDK-së në Mikushnicë dhe Lubavec kanë mbajtur kuvendet zgjedhore duke zgjedhur organet drejtuese dhe kryetarët e nëndegëve.
Të rinjtë e këtyre dy nëndegëve të moshës nga 16 deri në 25 vjeç ka shfaqur interesimin e tyre të madh për t’u bërë pjesë e procesit zgjedhor, duke përqafuar programin politik të PDK-së.
Kryetar i nëndegës së RDK-së në Mikushnicë në mënyrë demokratike është zgjedhur Arif Manxholli, ndërsa kryetar i nëndegës së RDK-së në Lubavec është zgjedhur Azem Rexha.
Procesi zgjedhor në nëndegët e RDK-së po monitorohet nga Komisioni Qendror për Organizimin e Zgjedhjeve në PDK, si dhe nga Komisioni për Organizimin e Zgjedhjeve i degës së PDK-së.
Procesi zgjedhor në nëndegët e RDK-së do të vazhdojë edhe në ditët e ardhshme.
RDK në Skenderaj do të organizojë kuvendet zgjedhore në 57 nëndegë dhe më pas edhe kuvendin e degës./Drenicapress.info
