Pas Mitrovicës dhe Ferizaj, vendi i radhës ku inspektorët kanë gjetur sasi të mëdha të mishit të porishur, të gatshëm për tu hedhur në shitje është qyteti i Prizrenit.
720 kg i kanë konfiskuar inspektorët e Komunës së Prizrenit, ka bërë të ditur kryetari Mytaher Hskuka.
“Ispektorët komunalë fillimisht kanë vërejtur se mishi ka pësuar ndryshime organoleptike (ngjyra, shija dhe era e mishit janë tjetërsuar). Pas kontrollit të dokumentacionit është konstatuar se këtij mishi të importuar nga Holanda i kishte kaluar edhe afati. Mishi në sasi prej 720 kg. është konfiskuar menjëherë, ndërsa me ndihmën e kompanisë rajonale “Ekoregjioni”, gjatë ditës së sotme, është asgjesuar me mjete përkatëse kimike”, ka njoftuar Haskuka.
Dokumenti që tregon origjinë dhe datë e skadimit të mishit në Prizren
“Shëndeti i qytetarëve është në rend të parë. Nuk do të ketë tolerime ndaj asnjë kompanie që konsumatorëve u shet ushqim të prishur. Rasti i sotëm i është përcjellë Prokurorisë” ka shkruar tutje ai.
Skandali me mish e skaduar nisi ditë më parë, kur autoritetet e shtetit të Belgjikës njoftuan se kompani nga ky vend kishin eksportuar mish të dyshimtë drejt Kosovës.
Përpos kësaj, GazetaMetro, raportoi javën e kaluar se në Mitrovicë inspektorët gjetën mbi 1 mijë kg në dy dyane të njohura të shitjes së produkteve ushqimore me pakicë.
