Komuna e Drenasit ka ndar subvencione për klubet sportive në Drenas. Por disa klube nuk janë të kënaqura me shumë që i është caktuar nga komuna, shkruan Drenicapress.
Lidhur me këtë ka reaguar edhe asamblisti i komunës së Drenasit, Vehbi Berisha.
Ai në një postim në Facebook ka sqaruar si si është bërë ndajra e këtyre subvencioneve dhe u ka sygjeruar klubeve të pakënaqura që të ankohen.
Lexojeni të plotë sqarimin e asamblistit Berisha:
Të nderuar qytetarë të Komunës së Drenasit, të nderuar sportdashës, këto ditë pas publikimit të listës zyrtare të ndarjes së subvencioneve për Klubet Sportive nga Komuna e Drenasit, kam pranuar mesazhe të ndryshme në lidhje me shqetësimet e udhëheqësve dhe anëtarëve të klubeve të ndryshme të sportit se nuk ka pasur trajtim të barabartë sa i përket shumës se mjeteve të ndara si dhe kanë bërë pyetje se kush e ka marr ketë vendim pasi që herëve tjera ka qenë Kuvendi Komunal i cili ka vendosur në lidhje me mjetet e ndara si subvencion për Klubet Sportive.
Sqarojmë të gjithë sportistet, udhëheqësit dhe anëtaret e klubeve sportive se vlerësimin e kërkesave tuaja për ndarje të subvencioneve e ka bërë Komisioni i formuar nga Komuna – Drejtoria përkatëse ndërsa vendimin e ka marr Kryetari i Komunës së Drenasit sipas Rregullores me nr; 12-320-1933 të Komunës së Drenasit për kushtet, kriteret dhe procedurat e ndarjes së subvencioneve. Pra këtë vendim nuk e ka marr Asambleja Komunale pasi që me miratimin e kësaj rregullore në vitin e kaluar kjo kompetence i është deleguar ekzekutivit komunal përkatësisht drejtorisë dhe Kryetarit të Komunës së Drenasit. Ju bëjë thirrje të gjitha klubeve të pakënaqura ta shfrytëzojnë të drejtën e tyre të ankimimit e cila parashihet edhe sipas rregullores së lartcekur.
PS: Duke klikuar linkun në vazhdim mund ta shkarkoni rregulloren për ndarjen e subvencioneve: https://gzk.rks-gov.net/ActDetail.aspx?ActID=15285
Vehbi Berisha – Asambleist në KK Drenas
