Policia e Kosovës njofton se katër persona janë lënduar në aksidentin mes dy veturave që ka ndodhur tek udhëkryqi Lipjan-Janjevë.
Sipas Policisë, aksidenti në të cilin kanë pësuar lëndime dy persona të gjinisë mashkullore dhe dy të gjinisë femërore, shtetas të Maqedonisë, ka ndodhur mbrëmë rreth orës 19:00.
“Të lënduarit janë dërguar në QKUK dhe pas pranimit të ndihmës mjekësore, të njëjtit janë liruar”, thuhet në raportin e Policisë.
Me vendim të prokurorit rasti vazhdon të hetohet në procedurë të rregullt.
Rasti po trajtohet si aksident trafiku me lëndime.
- Advertisement -
