Ndonëse kanë mbetur vetëm edhe pak orë deri në mbajtjen e seancës së Kuvendit të Kosovës ku do të hidhet në votim marrëveshja për Demarkacionin me Malin e Zi, koalicioni qeverisës ende nuk ka arritur që t’i siguroj votat e mjaftueshme për ta miratuar këtë marrëveshje.
Sipas burimeve të Gazetës Blic, aktualisht koalicioni i ka vetëm 78 vota.
Derisa ende mbetet e paqartë se a do të votoj deputeti i LDK-së, Ramiz Kelmendi, duket se probleme ka edhe nga Partia Demokratike e Kosovës.
Siç merr vesh Gazeta Blic, deputeti i kësaj partie Nait Hasani ende nuk e ka konfirmuar votën e tij për projektligjit për marrëveshjen për Demarkacionin.
“Nait Hasani ende po e kundërshton marrëveshjen për demarkacionin. Mbetet të shihet nëse lidershipi i partisë do të arrij ta bind deri në ora 16:00, kur pritet edhe fillimi i seancës”, tha ky burim.
Në anën tjetër, Gazeta Blic ka provuar që të kontaktoj me deputetin Nait Hasani, mirëpo kontakti me të ka qenë i pamundur.
Është edhe vetë deputeti Hasani ai i cili, ditë më parë ka paralajmëruar votë kundër marrëveshjes së demarkacionit me Malin e Zi.
Votë kundër kanë paralajmëruar edhe deputetët e VV-së, ata të Gurpit të Pavarur të Deputetëve dhe Lista Serbe.
Për miratimin e kësaj marrëveshjeje nevojiten 2/3 e votave, apo më shumë se 80 vota.
