Policia e Shtetit ka publikuar sot skemën e trafikimit të rreth 1 mijë shqiptarëve nga Shqipëria, drejt vendeve të BE-së me destinacion final Anglinë, Kanadanë dhe SHBA-të.
Bëhet fjalë për grupe të strukturuara që kishin linja e katër itinerare të qarta, e që në një hark të caktuar kohor kishin mundur të çonin në destinacion rreth 1 mijë persona.
Shqipëri – Itali – Mbretëri e Bashkuar
- Shqipëri – Francë – Mbretëri e Bashkuar
- Shqipëri – Bullgari – Belgjikë – Republika Domenikane – SHBA / Kanada
- Shqipëri – Spanjë – Amerika Latine – SHBA/Kanada
Deri më tani janë arrestuar 39 shqiptarë, ndërsa 12 të tjerë janë shpallur në kërkim. Mes të arrestuarve janë edhe 4 agjentë olicie.
Mega-operacioni u finalizua të shtunën nga Policia e Shtetit, ndërsa u prenë lidhjet e shqiptarëve me 7 grupe kriminale që vepronin në të gjithë Europën.
Nga operacioni u mësua se shqiptarët paguan 7 mijë paund për të shkuar në Angli dhe 25 deri në 30 mijë dollar për të shkelur në Kanada dhe SHBA.
Për shkatërrimin e kësaj linje, siç bën me dije edhe polica shqiptare rol vendimtar kanë luajtur edhe 2 agjentët speciale të Shërbimit Diplomatik të Sigurisë së Departamentit Amerikan të Shtetit, të atashuar pranë ambasadës së SHBA-ve në Tiranë.
