Në javën e XXIV: Drenica – Prishtina 1-0
Kuqezinjtë fituan 3 pikë të rëndësishme nëSkenderaj, kundrejt Prishtinës e cila pëson humbjen e parë pas 8 ndeshjeve kampionale dhe 11 me ato të Kupës.
Humbjen e fundit e kishte pësuar me Drenicën në vjeshtë dhe nga ajo ndeshje nuk kishte ditur çfarë është humbja, por “macja e zezë” e bardhekaltërve, fitoi sërish! Prishtina nuk ishte që luajti mirë, por të paktën e dominoi në tërësi skuadrën vendase, e cila u tregua aq cinike sa e pabesueshme të fiton tre pikë nga gjuajtja e vetme në portë.
Meritë të madhe në fitoren e vendasve pati edhe portieri Neziri, i cili priti dy gjuajtje të sigurta goli. Prishtina me këtë humbje iu ka mundësuar të shpresojnë jo vetëm ndjekëses më të afërt Dritës, por edhe shumë skuadrave tjera më poshtë në klasifikim. Është e pafalshme lëshimi i pikëve në një ndeshje jashtëzakonisht korrekte, si nga skuadra mike, publiku i shumtë vendas si dhe i treshes së gjyqtarëve.
Fotot e bëra nga Hilli.
