Drenica nuk arriti të shfaq fytyrën e vet më të mirë në përballje me Dritën, pasi humbi 3-1 në Gjilan. Përgjegjësinë për këtë disfatë e mori vetë tekniku Sadat Pajaziti, i cili pas përfundimit të ndeshjes zbuloi edhe gabimin të cilin e kishte bërë në formacion, shkruan Gazetasheshi.com.
“Nuk ishim në elementin e duhur në këtë ndeshje, sidomos në pjesën e parë, megjithëse krijuam disa mundësi. Për disfatën e ditës së sotme e marr përgjegjësinë personalisht, pasi kam gabuar në formacion. Kjo nuk është fytyra e vërtetë e Drenicës, ndërkohë që ne duhet punojmë për të ndryshuar këto paraqitje tona”,theksoi Pajaziti për Super Sport Kosova.
Me këtë disfatë Drenica i afrohet edhe më shumë afër zonës së barazhit, meqenëse tani ndodhet vetëm dy pikë prapa Vëllaznimit që ndodhet në zonën e rrezikshme.
“Ne nuk duhet të mendojmë shumë për pozitën e barazhit, pasi nuk jemi ekip që mund të përfundojmë në atë pozitë. Duhet vetëm të zgjohemi nga gjumi dhe të luajmë ndeshje tona ashtu siç dijme ne ti bëjmë”, përfundoi Pajaziti.
