Arsenali duket se është me një këmbë në çerekfinale, pas fitores 0-2 në “San Siro” kundër Milanit.
Nuk kishte pësuar asnjë humbje në vitin 2018 në të gjitha garat, por Milani i Gennaro Gattusos tashmë e ka shijuar disafatën, shkruan Gazeta Express.
Kuqezinjtë janë mposhtur 0-2 në shtëpi nga Arsenali në ndeshjen e parë në kuadër të Europa League.
Henrikh Mkhitaryan në minutën e 15’të, dhe mesfushori tjetër, Aaron Ramsey në fund të pjesës së parë, realizuan për rezultatin përfundimtar 2-0.
Kjo është një goditje e madhe për Milanin, pasi për ta arritur kualifikimin në çerekfinale, në “Emirates” në ndeshjen e kthimit duhet të shënojnë 3 gola më shumë se “Topçinjtë”.
Sfida e kthimit zhvillohet javën e ardhshme. /Gazeta Express/
- Advertisement -
