Mijëra tifozë dhe qytetarë të thjeshtë të Firencës kanë dalë që në orët e para të mëngjesit të sotëm për t’u rreshtuar pranë katedrales së qytetit, ku u zhvillua ceremonia mortore për Davide Astorin, mbrojtësin e Fiorentinës dhe Italisë që u nda nga jeta në mënyrë të papritur në fundjvë.
Tifozët dëshironin t’i jepnin lamtumirën e fundit kapitenit të skuadrës, ashtu siç kanë dashur të bëjnë edhe kolegët e tij që kanë marë pjesë në këtë ceremoni.
Ndërkaq, edhe lojtarët e Juventusit, pas kthimit nga Londra kanë udhëtuar drejt Firences, për të respektuar kolegun e tyre, të cilit shumë prej futbollistëve i kushtuan fitoren e mbrëmshme. Ky ishte një gjest shumë i veçantë, duke llogaritur urrejtjen e thellë që kanë tifozeritë e dy skuadrave.
Në ceremoninw mortore morën pjesë edhe shumë futbollistë të skuadrave të tjera të Serisë A, ku binin në sy lojtarët e Interit, ato të Milanit e Romës, si dhe ish-futbollistë si Toti e Inzagi.
