Shqipëria tash e sa kohë është në listën e vendeve kryesore të botë që ju duhet t’i vizitoni.
Kështu kanë shkruar kohën e fundit shumë nga mediat ndërkombëtare që merren me turizëm, transmeton Klan Kosova.
Një artikull për bukuritë e jashtëzakonshme të Shqipërisë e ka shkruar edhe revista e njohur BoredPanda.
“Shqipëria, ky vend i vogël që ndodhet në Gadishullin Ballkanik, ka kaluar shumë kohë nga izolimi i saj për pothuajse pesë dekada për shkak të regjimit komunist. Tani, Shqipëria po merr vendin e saj të merituar në hartën globale të turizmit”, thuhet në artikull, transmeton Klan Kosova.
“Vija bregdetare nga Adriatiku në Detin Jon dhe pjesa malore në veri të vendit janë vetëm disa nga arsyet kryesore pse Shqipëria po bëhet destinacioni kryesor i pushuesve që i duan aventurat”.
“Në Shqipëri mund të gjeni një gamë të gjerë opsionesh duke nisur nga vendpushimet luksoze dhe plazhet me rërë – shtigjet që ju çojnë në ujëvarat dhe burimet natyrore, mund të bëni çiklizëm malor, rafting, të eksploroni kanionet”.
Por fjalët nuk mjaftojnë për të përshkruar tërë bukurinë e Shqipërisë, më poshtë shikoni disa nga fotografitë që zbulojnë magjinë e saj.
