Sot në Skenderaj u shënua 51 vjetori i themelimit të Gjimnazit të Skenderajt “Hamëz Jashari” dhe njëherit edhe 68 vjetori i lindjes së heroit Hamëz Jashari, emrin e të cilit e mban kjo shkollë, transmeton Drenica Press.
Me këtë rast u bënë homazhe përpara lapidarit të Hamëz Jasharit në kopshtin e Gjimnazit, pastaj u bënë homazhe në Kompleksin Memorial “Adem Jashari” në Prekaz dhe për fund u prezantua një program kulturo-artistik në Shtepinë e Kulturës “Hasan Prishtina” në Skenderaj.
Të pranishmit i përshendeti drejtori i kësaj shkolle Selim Tahiraj dhe Kryetari i Komunës së Skenderajt, Bekim Jashari, duke shprehur mirënjohje për veprën e Hamëz Jasharit dhe falenderim për kontributin që kanë dhënë dhe po japin mësimdhënësit e kësaj shkolle./Drenica Press/
