Ministria e Shëndetësisë ka arritur të sigurojë një grant prej 1.1 milion euro për të investuar në modernizimin e aparaturave nëpër spitalet e Kosovës, njofton Klan Kosova.
Lajmin për ndihmën e qeverisë së Japonisë për shëndetësinë kosovare e ka dhënë vet ministri, Uran Ismaili, përmes një statusi në llogarinë e tij në Facebook.
“1.1 milion euro grant nga Qeveria e Japonisë për shëndetësinë kosovare. Ky grant shumë i rëndësishëm, do të përdoret për furnizim me aparaturë moderne për spitalet tona”, shkruan Ismaili.
“Në javët në vijim do të nënshkruajmë edhe marrëveshje të tjera, të cilat do të ndikojnë direkt në përmirësimin e sektorit tonë shëndetësor. Faleminderit Japoni”.
- Advertisement -
