Nënkryetari i Kuvendit të Kosovës, Xhavit Haliti, e udhëheq sot vazhdimin e seancës së Kuvendit, ku parashihet vazhdimi i asaj që dje nuk ka mundur të realizohet në mungesë kuorumi.
Pasi u kërkua të votohet për prezencë, doli që në fillimin e seancës së sotme në Kuvend ishin prezent vetëm 42 deputetë, gjë që e pamundëson vazhdimin e seancës e cila është paraparë të mbahet.
E Haliti e ka parë të arsyeshme që të presë, pasi që, sipas tij, Komisioni i Bujqësisë ka një takim, dhe derisa ata të vijnë nuk mund ta konstatojnë kuorumin.
Është deputeti i Kuvendi të Kosovës, Islam Pacolli, ai i cili i ka shkruar Halitit te foltorja për t’u konsultuar me të, e ky i fundit ia ka kthyer, duke i thënë se “A don me shku me u falë a?”.
Kujtojmë që në seancën e sotme do të bëhet shqyrtimi i pikave 12 dhe 14, ndërsa pika 9 dhe 10 mbesin për një ditë tjetër.
