Pas mesnate në Prishtinë, më saktë në lagjen e Muhaxherëve pronari i ndërtesës me inicialet U.P, ka pritur zgjuar një grup studentësh që banojnë në pronë të tij për t’i dëbuar nga banesa në ora 2:00 të mëngjesit.
Pasi që në fillim nuk u morën vesh me fjalë të buta se studentët duhet të largohen nga ndërtesa pasi që nuk kishin kryer obligimet ndaj pronarit, në vend të ngjarjes erdhi policia e cila u thirrë nga pronari në fjalë.
Studentët para policisë thanë se obligimin e rrymës e kishin paguar ndërsa një gjë të tillë nuk e pranoi pronari U.P.
Pasi që nuk u morën vesh me fjalë mes tyre filloi një përleshje e cila rezultoi me arrestimin e një studenti, ndërsa pesë të tjerët u detyruan që të largohen në mes të natës nga banesa.
Sipas informacioneve që ka siguruar Express, studentët janë nga Gjakova dhe nuk janë lejuar të marrin rrobat dhe sendet tjera derisa të i kryejnë të gjitha obligimet financiare ndaj pronarit.
