Kryetari i Komunës së Drenasit, Ramiz Lladrovci, ka kërkuar falje.
Lladrovci, kërkon falje ndaj asamblistëve për hyrjen pa paralajmërim në seancën e Kuvendit të Komunës me ambasadoren e Turqisë, Kivilcim Kiliç, deri sa ishte duke u zhvilluar seanca e rregullt e mbledhjes së Kuvendit Komunal, transmeton Magazina.al
Më 30 Janar 2018, në vizitë zyrtare, kryetari Lladrovci ka pritur në zyre, ambasadoren turke në Kosovë, Kivilcim Kiliç, ku këtë ditë ishte duke u mbajtur edhe seanca e rregullt e Kuvendit të Komunës.
Pas takimit zyrtar, sipas protokollit, kryetari Lladrovci ka shoqëruar ambasadoren në dalje.
“Hyrja në mbledhje ishte e paplanifikuar më parë, por kishte për qëllim shprehje respekti ndaj legjislaturës së re të Kuvendit të Komunës dhe Ambasadores e assesi pengim të punës së Asamblesë” thuhet në një komunikatë të Komunës së Drenasit.
