Prishtina ka mposhtur Trepçën në palestrën “Minatori” , me rezultat 69-61.
Skuadra nga kryeqyteti arriti të mposhtë rivalin e vjetër në një ndeshje mjaft të vështirë, duke marrë parasysh palestrën e stërmbushur nga “Torcidat” të cilët krijuan një atmosferë fantastike.
Lojtari më i dalluar te Prishtina ishte Fisnik Rugova me 19 pikë e 17 kërcime, i ndihmuar nga Edmond Azemi me 25 pikë 6 kërcime, ndërsa te Trepça u dallua Samir Zekiqi me 22 pikë e 7 kërcime.
Në këtë derbi të basketbollit kosovar nuk munguan as banerët e tifozëve vendas drejtuar skuadrës mysafire.
Në një nga banerët e “Torcidave” shkruhej: “Çka u bo me ty Prishtinë as maca s’po t’vjen n’tribunë”, duke aluduar në mungesën e tifozëve mysafirë në palestër. /IndeksOnline/
