Kryeministri i Republikës së Kosovës, Ramush Haradinaj, vizitoi sot familjen e Heroit të Kosovës, Gjeneral Major, Adrian Krasniqi.
Me këtë rast, kryeministri Haradinaj vlerësoi lartë kontributin e Adrian Krasniqit për çlirimin e vendit, duke thënë se ai ishte brezi i parë i luftëtarëve dhe ishte njëri nga ata që i vuri themel rrugës së Kosovës për liri dhe se Adriani ishte nga ata luftëtarë që përveç rrugës deri në liri, kishte vizion edhe për më tutje.
“Sot, pata nderin të jem në vizitë te baca Xhafer, babai i Përparimit dhe axha i Adrian Krasniqit. Me bacen Xhafer, kujtuam ngjarje nga lufta jonë e lavdishme. Kujtuam Adrianin, Përparimin, Zahirin, Ilirin, Luanin e plot djem trima që ranë për atdhe. Shtëpia e familjes Krasniqi, ku ndihem si në shtëpinë time, ishte strehë e shumë të plagosurëve gjatë kohës sonë më të vështirë. Përherë mirënjohës dhe krenar për kontributin e çmuar të familjes Krasniqi për lirinë e Kosovës” tha Kryeministri Haradinaj.
