Jo në pak raste rrjeti social Facebook është bërë shkak i grindjeve mes personave, sherre të cilat nga fjalët kane shkuar deri te vrasjet.
Dje policia në Drenas ka parandalur një konflikt fizik në mes të dy personave, i cili sherr verbal kishte nisur në rrjetet sociale në internet, raporton DrenicaPress.
“Ankuesi mashkull (K/Shqiptar) ka raportuar se pas një konflikti në rrjetin social, i dyshuari mashkull (K/Shqiptar) ishte duke e përcjellë. Njësia policore ka arrestuar të dyshuarin dhe gjatë kontrollimit në veturën e tij, janë gjetur dhe konfiskuar një pistoletë me pesë fishekë dhe një shkop druri. Me vendim të prokurorit, i dyshuari është dërguar në mbajtje”, thuhet në raportin e Policisë së Kosovë, përjellë DrenicaPress.
