Deputeti i PDK-së, Bekim Haxhiu, në një prononcim për Periskopin, ka thënë se vendimi i Sami Lushtakut për shkarkimin e tij nga posti i nënkryetarit të Degës së PDK-së në Skenderaj nuk vlen fare, madje e ka krahasuar me vlerën e një letre të tualetit.
“ Nuk jam kundër kryetarit Sami Lushtaku. Por jam i zgjedhur me votë të Kuvendit e të Këshillit Drejtues e të Kryesisë nga kryetari i PDK-së. Me vota të anëtarësisë të PDK-së. Ai vendim i Sami Lushtakut për mua është ‘nul’ zero është. Edhe bash po t’kallxoj, sa për vendimin e tij, po më vjen keq me u shpreh, po as nuk ka vlerë sa ni letër e tualitetit” , është shprehur deputeti Haxhiu për Periskopin.
“ Kush, a ti po ma përcakton të ardhmen mu a ?!.. Ai vendim nuk vlen kurrgjë. Unë jam anëtar i Kryesisë së PDK-së dhe nënkryetar i PDK-së në Skenderaj. Jam anëtar i Këshillit Drejtues të Partisë Demokratike, jam anëtar i grupit parlamentar të PDK-së, jam deputeti më i votuar në tri palë zgjedhje në Komunën e Skenderajt, jam autoritet i pa kontestueshëm në Komunën e Skenderajt, që Sami Lushtaku me të birin i tuten , me disa langaraqa të vetë” ka përfunduar deputeti Bekim Haxhiu për Periskopin.
Sot deputeti Haxhiu me një vendin të PDK-së në Skenderaj është shkarkuar nga posti i nënkryetarit të Degës.
Ndërsa kryetari i Degës së PDK-së në Skenderaj, Sami Lushtaku, në një përgjigje për Periskopin, ka thënë se s’ka asgjë personale me deputetin Haxhiu, pasi atë e ka shkarkuar partia./Periskopi/
