Komuna e Drenasit përmes një njoftimi për media, ka sqaruar opinionin publik lidhur me një shkrim, ku shihet i pari i Drenasit duke prirë duhan në një kafiteri.
Në reagimin e komunës së Drenasit Thuhet:
Sqarim për opinionin dhe mediat elektronike
Komuna e Drenasit, ndjen për obligim të njoftoj të gjithë qytetarët dhe mediat elektronike se kryetari i Komunës, Ramiz Ladrovci nuk e ka shkelur ligjin kundër duhanit.
Në përvjetorin e vdekjes së gjeneral Shaban Shalës, familjarët e të ndjerit kanë ftuar pjesëmarrësit që kanë bërë homazhe pranë varrit të gjeneral Shaban Shalës, me nga një kafe ne një restaurant të Prishtinës . Vendin ku janë vendosur mysafirët, ka qenë pjesë e lejueshme për duhanpirësit ( 30% i hapësirës së lokalit, sipas Ligjit) dhe me këtë rast edhe kryetari Lladrovci ka ndezur një cigare për t’i shoqëruar familjarët dhe mysafirët. Ndryshe kryetari Lladrovci nuk është duhanpirës aktiv. /Drenica Press/
