Deputetja nga radhët e Vetëvendosjes, Donika Kadaj ka folur rreth çështjes së vizës së kryeministrit Ramush Haradinaj për të cilën ka aplikuar që ta marrë nga Shtetet e Bashkuara të Amerikës.
Ajo përmes një statusi në Facebook ka thënë se nëse vërtet i është refuzuar viza Haradinajt nga SHBA-të, atëherë sipas saj, kryeministri duhet të jap dorëheqje.
Postimi i plotë:
Nëse me të vërtetë i është refuzuar viza nga SHBA-të Kryeministrit, këtij të fundit nuk i mbetet gjë tjetër veç dorëheqjes.
Dështimi i qeverisjes së vendit në mënyrë koherente me SHBA-të në fazën në të cilën gjendet vendi ynë është dëm i madh dhe çdokush që ka pjekuri shtet-formuese dhe ndjenja patriotike do të duhej të largohej nga skena politike për t’iu dhënë rast njerëzve të rinj e ide të reja, kreativitetit dhe më së shumti mençurisë shtet-formuese, ashtu që kombit tonë t’i hapen rrugët dhe të dalë nga izolimi i krijuar nga udhëheqës të papërgjegjshëm për gati dy dekada.
