Drejtori i Postës dhe Telekomit të Kosovës, Agron Mustafa tha se ka të lënduar brinjët pas sulmit të sotëm nga dy zyrtarë policorë.
Mustafa në një konferencë për media në orët e mbrëmjes është shprehur i shqetësuar lidhur me sulmin që i ka ndodhur atij.
Mustafa ka thënë se pas sulmit fizik i janë lënduar brinjët.
“Menjëherë kam qenë në emergjencë, jam duke i pritur raportin mjekësor. Është e vërtetë se pantollat mu kanë gris, edhe brinjët i kam të lënduar. Kam probleme në këtë pjesën e djathtë, sipër barkut”, ka thënë Mustafa.
Drejtori i Postës dhe Telekomit të Kosovës, Agron Mustafa është sulmuar sot fizikisht nga dy policë në lagjen e njohur si “Te Qafa” në Prishtinë. Sulmuesit e Agron Mustafës janë identifikuar të jenë dy policët, Nazim Sahiti dhe Avni Berisha.
