Vëllezërit Gashi nga fshati Terrnavc i Komunës së Skenderajt, me punë në Gjermani kanë vazhduar me humanizmin e tyre në prag të festave të fundvitit.
Këtë herë ata kanë dhuruar pako ushqimore në vlerë prej 1000 euro për familjet që janë në asistencë sociale në Komunën e Skenderajt. Ata në bashkëpunim me Drejtorinë për Shëndetësi, Punë dhe Mirëqenie Sociale kanë përzgjedh familjet me nevojë.
Iniciativa e këtyre mërgimtarëve tanë në prag të festave, dëshmon përkushtimin e diasporës për vendin, dhe kjo është periudha e vitit kur e gjithë shoqëria duhet të tregojë më shumë solidaritet përballë shtresave në nevojë.
Por kjo nuk është ndihma e vetme që vëllezërit Gashi kanë dhënë këtë vit.
Ata me donacion i janë bashkuar edhe iniciativës së deputetit Bekim Haxhiut, në ndërtimin e dy shtëpive, për shtëpinë e Skender Asllanit në Abri dhe Bashkim Ejupit në Baks, të cilët ishin përkrahur edhe nga komuna e Skenderajt./PrishtinaPress.eu
