Një burim i ka thënë Kohës Ditore se mësymja e subjekteve në pushtet për ta bllokuar Specialen, do të vazhdojë.
Ai ka përmendur edhe motivet, të cilat kanë bërë që me urgjencë të tentohet shfuqizimi i Ligjit për Specialen.
“Ka më shumë se një muaj që është përmendur 23 dhjetori si data e fundit deri kur duhet të shfuqizohet Ligji për Gjykatën Speciale. Nga ajo që kam kuptuar, motivi lidhet me informacionet që liderët politikë kanë se aktakuzat e para do të shpallen në prag të krishtlindjeve”, ka thënë ky burim, në kushte anonimiteti, shkruan sot gazeta.
“Nuk e di se kush mund të jenë në mesin e të akuzuarve, mirëpo panik i madh vërehet tek të gjithë përfaqësuesit më të lartë shtetërorë”. Detaje tjera rreth gjithë asaj që ka ndodhur mbrëmë dhe gjatë këtyre ditëve me Gjykatën Speciale, mund të lexoni në numrin e sotëm të Kohës Ditore.
