Ministria e Kulturës, Rinisë, dhe Sportit organizon ngjarjen e shënimit të Ditës Ndërkombëtare të Vullnetarizmit me 5 dhjetor, në Hotel Swiss Diamond Prishtinë, nga 14:30 deri 17:00.
Përzemërsisht jeni të ftuar të na bashkoheni në shënimin e kësaj dite. Dita ndërkombëtare e vullnetarëve do të përfshijë fjalime inspiruese nga Kujtim Gashi, Ministër i Ministrisë së Kultures, Rinisë, dhe Sportit, Dr. Brandao Co, Head of UNICEF Office, Jan Braathu, Ambasadori i Misionit të OSBE-së në Kosovë, Blerim Azizi, UNV dhe vullnetarët e rinj dhe të reja, mbi rëndësinë e shërbimit në komunitet dhe vullnetarizmit.
Rikujtojmë se Ministria e Kulturës, Rinisë dhe Sportit është institucion kompetent për njohjen e statusit të vullnetarit rinor dhe përvojën e punës vullnetare bazuar në Udhëzimin Administrativ për Punë Vullnetare Nr.01/2016.
Gjithashtu do të mësoni më shumë rreth platformës për Vullnetarët e Kosovës, përmes së cilës vullnetarëve të rinj mund të ju njihet puna zyrtarisht, dhe të pajisen me certifikata. Kjo ngjarje mbështetet nga UNICEF Innovations Lab Kosovo, misioni i OSBE-së në Kosovë dhe UNV.
