Anëtari i Komisionit Shtetëror për demarkacion me Malin e Zi, Florim Isufi, ka thënë se Komisioni i kaluar, ka bërë disa lëshime dhe disa gabime në materialet e trajtuara për demarkacion.
“Është për t’u çuditur pse ish Komisioni ose Qeveria e Kosovës ose pse të gjitha Komisionet nuk i kanë marrë parasysh këto fakte të cilat janë në institucionet e Kosovës e të cilat janë të vërteta, origjinale dhe të vërtetuara me çdo kusht’, ka thënë Isufi.
“Analizën tonë ne e kemi filluar së pari me një analizë hatrografike, pastaj kemi shkuar me dokumentin harografik. Kemi vazhaduar me të gjeturat hartografike dh dokumentet që tregojnë kontrollin efektiv’, ka thënë Isufi.
Në fund, ai ka thënë se kanë analizuar edhe vendimin e ish Kuvendit të KFS’së.
“Ka lëshime profesionale dhe material, ka shtrembërime të fakteve hartografike, mosshqyrtime në detaj të të gjitha fakteve hartografike dhe mos hulumtim i fakteve përmbajtësore”, tha ai.
“Ato që ka bërë Komisioni i kaluar, nuk prezantojnë kufirin me Malin e Zi, që fitohet përshtypja se është bërë një analizë vetëm sa për të fituar volum dokumentesh”, tha ai.
‘Ato të gjetura nuk korrespodojnë me realitetin apo nuk paraqesin origjinalin e vërtetë të materialit hartografik. Mendohet apo tentohet të bëhet kufi administrative i Kosovës me Malin e Zi’, tha ai./Periskopi/
