“Çfarëdo që të ndodhë në jetë, edhe ashtu ka një vdekje. Janë veprat e mëdha që mbesin. Këto ishin fjalët e njeriut simbol të luftës e të lirisë, Adem Jasharit”.
“Është vepra dhe sakrifica e pashembullt e familjes Jashari. Një ngjarje që preku thellë zemrat e njerëzve anembanë botës. Por vulosi përfundimisht triumfin ndaj së keqes, ndaj pushtuesit serb”.
“Nata e 5, 6 dhe 7 marsit të vitit 1998 do të mbeten në kujtesën e shqiptarëve, përjetësisht. Jo vetëm për flijimin e 20 anëtarëve të familjes Jashari, por për jehonën që bëri bashkë të gjithë shqiptarët”.
Këto janë fjalët me të cilat fillon dokumentari shkollor “Qysh kur leu dielli…”, përcjell Telegrafi, dokumentar ky i realizuar nga nxënësit dhe profesorët e Shkollës jopublike “Mileniumi i Tretë” në Prishtinë, dokumentar që u dedikohet trashëgimtarëve të familjes Jashari dhe sakrificës së kësaj familje të pashembullt në historinë njerëzore.
Dokumentari në fjalë, protagonistë ka trashëgimtarët e tyre të rinj, numri i të cilëve ka arritur në 15.
Përveç tyre, protagonist është edhe i zoti i Shtëpisë, Rifat Jashari.
Në videon më poshtë mund të dëgjoni rrëfimet e trashëgimtarëve të familjes Jashari, përfshirë të Ademit, Hamzës, e të tjerëve
