Gjatë vikendit në Barnatoren e Qendrës Klinike Universitare të Kosovës janë vjedhur anestetikë me vlerë deri në 3000 euro dhe me këtë rast janë suspenduar 2 persona të dyshuar, ka konfirmuar për Gazeta Blic ushtruesi i drejtorit të ShSKUK-së, Basri Sejdiu.
Si të dyshuar kryesor për këtë vjedhje janë dy personat përgjegjës që kanë poseduar edhe çelësin, të cilët janë suspenduar menjëherë nga drejtori i ShSKUK.
”Gjatë vikendit ka ndodhur, në barnatoret afër kirurgjisë është vërejtur ndërrimi që ka ardhur që mungojnë anestetikë, një sasi e madhe mungesë, policia është lajmëruar dhe unë menjëherë kam marrë vendim për suspendim të personave që kanë poseduar çelësin”, tha Sejdiu për Blic.
- Advertisement -
