Saimiri, ndër vite, që kur ka nisur jetën politike, ka qenë i kursyer me publikimin e jetës familjare, duke zgjedhur kështu të mbajë një profil të ulët të jetës private.
Gjatë kohës si ministër apo edhe më pas Saimir Tahiri në rrjetet sociale ka publikuar fotografi të pakta familjare dhe mes atyre pak, të gjitha ishin me Drinin e vogël që është në rritje nga dita në ditë. Ai është kujdesur që asnjëherë mos ta shfaq portretin e tij të plotë edhe kur ka ndarë fotografi nga momentet e tyre argëtuese, aventureske, si babë e bir, duke shijuar kohën e lirë.
Mbrëmë, ndërsa foli për të gjitha akuzat dhe mundësinë e një burgimi të përkohshëm, Saimir Tahiri nuk i përmbajti dot lotët, pikërisht duke kujtuar të birin dhe duke i kërkuar tij ndjesë publike për shqetësimet e krijuara.
