Express merr vesh se ish-zëdhënësja e EULEX-it, Besa Domi, ka denoncuar në polici Milaim Zekën, pasi ky i fundit e ka incizuar tinëzisht. Për këtë rast Zeka është intervistuar nga Policia e Kosovës.
Njoftimi i policisë nga raporti 24 orësh i Policisë së Kosovës:
Prishtinë 17.10.2017-NN. Me 18.10.2017 ankuesja femër K/Shqiptare ka raportuar se i dyshuari mashkull K/Shqiptar i ka bërë audio incizim të paautorizuar. Lidhur me rastin i dyshuari është intervistuar dhe me urdhër të prokurorit rasti shkon në procedurë të rregullt.
Ish-gazetari, tashmë deputet nga radhët e partisë Nisma për Kosovën, Milaim Zeka, pati shkruar në Facebook se Besa Domi është në lidhje me gazetarin hulumtues, Vehbi Kajtazin.
- Advertisement -
