Dy ushtarë të ish-Jugosllavisë, kishin dezertuar gjatë luftës në Kosovë duke ikur drejt Shqipërisë.
Dy ushtarët ishin nga Mali i Zi dhe ishin përfshirë në ushtrinë Jugosllave për të luftuar UÇK-në, por pas urdhërave të komandatëve serb që të vrasin edhe civil shqiptarë, ata ishin larguar në Shqipëri në qytetin e Bajram Currit, ku përmes OSBE-së pritnin të kërkonin azil politik, transmeton Magazina.al
Të dy ushtarët kishin rrëfyer për mediat e huaja përvojën e tyre në ushtrinë serbe.
“Oficerët na thanë se kjo është luftë dhe se duhet të vrasim edhe civil, ose ata do të ju vrasin juve sapo të ju shohin uniformën. Na thanë t’i kapnim të gjithë ata që nuk mund të mbroheshin pastaj t’i vrisnim ose t’i dergonim në burgje,” rrëfen njëri nga ushtarët dezertor.
“Kur pash me sytë e mi atë që po ndodhte une vendosa të iki sepse nuk doja të vrisja njerëz në pragun e shtëpisë së tyre”, thotë me tutje ushtari tjetër.
Ushtarët thonë se janë pritur mirë nga shqiptarët në Bajram Curr të Shqipërisë.
“Shqiptarët na trajtuan shumë mirë – Na dhanë ushqim dhe ujë dhe shtretër për të fjetur – Nuk mund të ishin më të mirë”. Rrëfejnë ata.
OSBE në atë kohë kishte planë që dy ushtarët të mos i lente në Shqipëri por të kërkonin azil politik në një vend evropian.
